கல்லணை - சிறந்த பொறியியல் தொழில்நுட்பம் !
கல்லணை, வெறும் ஒரு பழங்கால அணை மட்டுமல்ல; இது சோழர்களின் இணையற்ற பொறியியல் திறமைக்கும், தொலைநோக்குப் பார்வைக்கும், மக்கள் நலன் சார்ந்த ஆட்சிக்கும் ஒரு வாழும் சான்று. இன்றளவும் பயன்பாட்டில் இருக்கும் இந்த அணை, இரண்டாயிரம் ஆண்டுகளுக்கும் மேலாக காவிரி டெல்டா விவசாயிகளின் வாழ்வாதாரமாக திகழ்கிறது. உலகிலேயே மிகப் பழமையான நடப்பு நிலை அணை (still in use) இதுதான்.
🔹 வரலாறு:
கல்லணை சுமார் 2,000 ஆண்டுகளுக்கு முன்பு, மூன்றாம் காலத் சோழர் கரிகாலன் ஆட்சிக் காலத்தில் கட்டப்பட்டது. காவிரி ஆற்றின் நீரை விவசாயத்திற்காகப் பங்கிட இது உதவுகிறது.
இதுவே உலகின் மிகப் பழமையான நீர் பாசன திட்டம் எனவும் கூறப்படுகிறது. காவிரியில் அடிக்கடி வெள்ளப்பெருக்கு வரும் போது அந்த நீர் எதற்கும் பயன்படாமல் வீணாக கடலுக்குச் சென்று விடும் என்பதால் மழைக்காலத்தில் வெள்ளப்பெருக்காலும் கோடைகாலத்தில் நீரின்றி மக்கள் துயரப்படாமல் இருக்கவும் அதனை தடுக்கும் வகையில் பெரிய நீர் தேக்க அணையை கட்ட முடிவெடுத்தார் கரிகாற்சோழன்.
🔹 கட்டுமான சிறப்புகள்:
கரிகாலன் காவிரி ஆற்றின் மீது பெரிய பெரிய பாறைகளை கொண்டு வந்து சேர்த்து அப்பாறைகள் நீர் அரிப்பின் காரணமாக சிறிது சிறிதாக மண்ணுக்குள் சென்றன. அந்தப் பாறையின் மேல் வேறொரு பாறையை வைத்து நடுவே தண்ணீரில் கரையாத ஒருவித ஒட்டும் களிமண்ணை பூசி இரண்டும் ஒன்றோடு ஒன்று ஒட்டிக் கொள்ளும்படி செய்தனர். பல நூற்றாண்டுகள் கடந்தும் இன்றளவும் உறுதியோடு நிற்கும் இந்த கல்லணை தமிழர்களின் கட்டுமான திறனை பறைசாற்றுகின்றன.
* முழுவதும் கற்களில் கட்டப்பட்டது.
* 329 மீட்டர் நீளம், சுமார் 20 அடி உயரம்.
* மிக சிறந்த வளர்ச்சி வாய்ந்த பழங்கால குடிமை நாகரிகத்தின் சான்று.
* இது நீர்பாசன திட்டங்களை சீராக கொண்டு வர உதவுகிறது.
🔹 பணி மற்றும் பயன்கள்:
@ காவிரி நீரை வடக்கடையாறு மற்றும் தென்கடையாறு என இரண்டாகப் பிரிக்கிறது.
@ தஞ்சாவூர், திருவையாறு, ஆகிய பகுதிகளில் உள்ள விவசாய நிலங்களுக்கு நீர் வழங்குகிறது.
@ தமிழ்நாட்டு நீர்ப்பாசனத்தின் முதுகெலும்பு.
கல்லணையின் முக்கியத்துவம் :
* வேளாண் செழிப்பு:
காவிரி டெல்டா பகுதிகளின் விவசாயத்திற்கு கல்லணை இன்றியமையாதது. இது லட்சக்கணக்கான மக்களின் உணவுத் தேவையை பூர்த்தி செய்கிறது.
* வரலாற்றுச் சிறப்பு:
* சுற்றுலா மற்றும் கல்விச் சிறப்பு: அதன் வரலாற்று மற்றும் பொறியியல் முக்கியத்துவத்திற்காக, கல்லணை ஒரு பிரபலமான சுற்றுலா தலமாக உள்ளது. பொறியியல் மாணவர்கள் மற்றும் ஆராய்ச்சியாளர்களுக்கு இது ஒரு அருமையான ஆய்வுக்கூடமாக திகழ்கிறது.
🔹 இன்றைய நிலை:
இன்று இது ஒரு பராமரிக்கப்பட்ட புவியியல் மரபு இடமாக மாறியுள்ளது. சுற்றுலா பயணிகளுக்கும், வரலாற்றுப் பற்றாளர்களுக்கும் முக்கியமான இடமாக உள்ளது.
* கரிகால் சோழனின் மண்டபம் தனியாக அமைக்கப்பட்டுள்ளது.
கல்லணையில் நீர் போகும் அழகு கண்கொள்ளாக் காட்சி!
நீர் செல்லும் வழியில் மீன்கள் துள்ளிக் குதிக்கும் காட்சி கொள்ளை அழகு !
மற்றும் சுற்றுலாத்தலம் என்பதால் சிறுவர்கள் விளையாடுவதற்காக தனியாக பூங்கா அமைக்கப்பட்டுள்ளது. இதில் சிறுவர்களுக்கான நிறைய விளையாட்டு பொழுதுபோக்கு இடங்களும், சாதனங்களும் அமைக்கப்பட்டுள்ளது கூடுதல் சிறப்பு.
கல்லணை ஒரு பொற்காலச் சான்று மட்டுமல்ல; அது தமிழரின் அறிவாற்றலையும், திட்டமிடும் திறனையும் உலகிற்கு காட்டும் ஒரு வாழும் உதாரணமாகும்.
கல்லணையின் தனித்துவம் :
* உலகிலேயே பழமையான அணைகளில் ஒன்று: கி.பி இரண்டாம் நூற்றாண்டில் கரிகாலச் சோழனால் கட்டப்பட்ட கல்லணை, இன்றளவும் செயல்பாட்டில் உள்ள உலகிலேயே பழமையான நீர் ஒழுங்குபடுத்தும் அமைப்பாகும்.
* மட்டுப்படுத்தப்பட்ட தொழில்நுட்பத்தில் மாபெரும் சாதனை:
நவீன எந்திரங்கள், சிமெண்ட், இரும்பு என எதுவுமே இல்லாத காலத்தில், வெறும் கற்கள், களிமண் மற்றும் நுட்பமான பொறியியல் அறிவைக் கொண்டு கட்டப்பட்டிருப்பது வியப்பளிக்கிறது. இதன் அடித்தளம் மணலில் அமையப்பெற்றிருப்பது ஒரு பொறியியல் அற்புதம்.
* வெள்ளப்பெருக்கை கட்டுப்படுத்தி, பாசனத்தை செழுமைப்படுத்தியது: காவிரி ஆற்றில் அடிக்கடி ஏற்படும் வெள்ளப்பெருக்கைக் கட்டுப்படுத்தி, நீரை முறையாகப் பிரித்து, பாசனத்திற்குப் பயன்படுத்த கல்லணை பெரும் பங்காற்றியது. இது காவிரி டெல்டா பகுதியை சோழநாட்டின் நெற்களஞ்சியமாக மாற்றியது.
* காலத்தால் அழியாத கட்டுமானம்: ஆயிரக்கணக்கான ஆண்டுகள் வெள்ளம், புயல், இயற்கை சீற்றங்கள் என எத்தனையோ சவால்களை எதிர்கொண்டாலும், கல்லணை இன்றும் கம்பீரமாக நிற்கிறது.
"கல்லணையைப் பற்றி எதையாவது நீங்கள் அறிந்திருக்கின்றீர்களா?" உங்கள் கருத்துக்களைப் பகிருங்கள்...
Sponsorship :
"This Content Sponsored by Buymote Shopping app
BuyMote E-Shopping Application is One of the Online Shopping App
Now Available on Play Store & App Store (Buymote E-Shopping)
Click Below Link and Install Application: https://buymote.shop/links/0f5993744a9213079a6b53e8
Sponsor Content: #buymote #buymoteeshopping #buymoteonline #buymoteshopping #buymoteapplication"
கருத்துகள் இல்லை:
கருத்துரையிடுக