கொசு (Mosquito)
உருவில் மிகச் சிறிய அளவில் உள்ள கொசு தான் பலரின் தூக்கத்தை கெடுக்கிறது.நம் காது ஓரம் ' கொய்ங்... கொய்ங்...'என்று சத்தமிடும்.நம்மை கடித்து துன்புறுத்தும்.
இதன் ஆயுள் காலம் சுமார் 15 நாட்கள் முதல் 25 நாட்கள் ஆகும். உலகில் மற்ற பூச்சி வகைகளை காட்டிலும் கொசு தான் மனிதனுக்கு அதிக தீமையை செய்கிறது.உலகில் சுமார் 2000 வகையான கொசுக்கள் உள்ளன.
உடல் அமைப்பு :
மெல்லிய உடல் கொண்ட கொசுக்கள் ஓர் இணை இறக்கைகளையும் , மூன்று இணை நீண்ட கால்களையும் கொண்டது.
நோய்க்கிருமிக்கான காரணி :
கொசு ஊசி போன்ற மெல்லிய உறுப்பின் மூலம் நம் தோலுக்குள் குத்துகின்றன . அந்த நேரத்தில் நம் இரத்தத்தில் உமிழ்நீரை செலுத்திவிட்டு நம் இரத்தத்தை உறிஞ்சிக் கொள்கின்றன . அந்த உமிழ் நீர் உள்ள கிருமிகளே நோய்க்கு காரணமாகின்றன.
கொசு உற்பத்தி இடங்கள் :
தேங்கிய நீர்நிலைகள் , வடியாத மழைநீர் , திறந்தவெளி சாக்கடைகள் , மூடப்படாத நீர் இருக்கும் பாத்திரங்கள் , தெரு குப்பைத் தொட்டிகள் போன்ற இடங்களில் கொசுக்கள் உற்பத்தியாகின்றன. தேங்கி நிற்கும் சாக்கடை நீரில் மட்டுமல்ல ; நல்ல நீரிலும் கூட கொசுக்கள் உற்பத்தியாகின்றன.
ஆண் கொசு :
பொதுவாக ஆண் கொசுக்கள் தாவரச்சாறு , பழ ரசம் ஆகியவற்றை ஆண் கொசுக்கள் உறிஞ்சி உண்ணும் .
பெண் கொசு :
நம்மை கடித்து ரத்தத்தை உறிஞ்சுவது பெண் கொசுக்கள் தான். பெண் கொசுக்களே மனிதர்களிடமிருந்தும் பிற உயிரினங்களிடமிருந்தும் ரத்தத்தை உறிஞ்சும். இவை ரத்தத்தை உறிஞ்சும் என்றாலும் ரத்தம் முதன்மையான உணவல்ல.
முட்டைகளை உருவாக்கத் தேவையான புரதத்தைப் பெறவே பெண் கொசுக்கள் ரத்தத்தை உறிஞ்சுகிறது. அதனால் மனிதர்கள் மற்றும் கால்நடைகள் வாழ்கின்ற இடங்களைச் சுற்றியுள்ள பகுதிகளில் உள்ள நீரில் மட்டுமே முட்டையிட்டு இனப்பெருக்கம் செய்கிறது.
ஏடிஸ் கொசு :
ஏடிஸ் அல்போபிக்டசு என்னும் வீரியமான இனம் தென் வட அமெரிக்காவிலிருந்து பயன்படுத்தப்படாத டயர் வணிகத்தின் வழி பரவியுள்ளது.
யோகஃகன் வில்லெம் மெய்கன் என்பவரால் 1818 இல் முதன் முதலில் விளக்கப்பட்டு அவர் இட்ட பெயர்தான் ஏடிஸ் ஆகும் . இச்சொல் கிரேக்க மொழி .
இவ்வினக் கொசு கருமையான டெங்கு காய்ச்சல் , சிக்கன்குனியா, மஞ்சள் காமாலை போன்ற நோய்களை உண்டாக்குகின்றன . ஏடிஸ் கொசுக்களின் உடலிலும் கால்களிலும் கருப்பும் வெள்ளையுமான குறிகள் காணும்படியாக இருக்கும் . இவை பகலில் மட்டுமே உலா வரும். காலையிலும் மாலை சாயங்கால பொழுதிலுமே அதிகமாகக் கடிக்கிறது.
அனாபிலஸ் கொசு :
இது ஒரு பெண் கொசு . இது உலகின் சில பகுதிகளில் மனித இறப்பை ஏற்படுத்தும் மலேரியா என்னும் தொற்று நோயை ஒருவரிடம் இருந்து மற்றொருவருக்குக் கடத்துகிறது.
மலேரியா , யானைக்கால் நோய் , ஃபைலேரியா போன்ற நோய்களை இவை பரப்புகின்றன.
வீட்டில் பின்பற்றக்கூடிய எளிய கொசு விரட்டி:
1. எலுமிச்சை பழத்தை இரண்டாக வெட்டி அவற்றில் கிராம்பை சொருகி வைத்தால் கொசு தொல்லை நீங்கும்.
2.வேப்பிலை , நொச்சி , ஆடுதொடா இலை , குப்பைமேனி இவற்றை பொடியாக்கி வாசனைக்காக சிறிது சாம்பிராணி தூபம் போட்டால் கொசுவை விரட்டலாம்.
அல்லது இவற்றைக் கொண்டு வில்லைகள் உருவாக்கி ஏற்றி வைக்கலாம்.
( புகை ஒவ்வாமை , ஆஸ்துமாத் தொல்லை உள்ளவர்கள் பயன்படுத்த வேண்டாம்.)
3. சுத்தமான வேப்ப எண்ணெய் வாங்கி ஒரு அகல் தீபம் ஏற்றி எல்லா இடங்களிலும் காட்டி பின் ஒரு மூலையில் ஏற்றி வைத்தால் கொசு தொல்லை இருக்காது.
இயற்கை முறையில் இவற்றைப் பின்பற்ற முயற்சிப்பது நமக்கும், சுற்றுச்சூழலுக்கும் நன்மை தரும்.
Sponsorship :
"This Content Sponsored by Buymote Shopping app
BuyMote E-Shopping Application is One of the Online Shopping App
Now Available on Play Store & App Store (Buymote E-Shopping)
Click Below Link and Install Application: https://buymote.shop/links/0f5993744a9213079a6b53e8
Sponsor Content: #buymote #buymoteeshopping #buymoteonline #buymoteshopping #buymoteapplication"
ليست هناك تعليقات:
إرسال تعليق